పాకిస్థాన్లో టిక్టాకర్ మెహందీ వేడుకలో తొక్కిసలాట: ఇద్దరు మృతి, 18 మందికి గాయాలు

సియాల్‌కోట్

పాకిస్థాన్లోని జిల్లాలో ప్రముఖ టిక్టాకర్ మెహందీ వేడుక విషాదంగా మారింది. భారీగా తరలివచ్చిన జనం మధ్య తొక్కిసలాట జరగడంతో ఇద్దరు ప్రాణాలు కోల్పోగా, మరో 18 మంది గాయపడ్డారు. ఈ ఘటనకు సంబంధించి పోలీసులు ఆరుగురిని అరెస్ట్ చేశారు.

మిస్టర్ పట్లో ( )గా పేరొందిన టిక్టాకర్ మహమ్మద్ అన్సార్ జట్ శుక్రవారం రాత్రి డస్కా రోడ్డులోని ఫరాజ్ క్రికెట్ గ్రౌండ్లో మెహందీ వేడుకతో పాటు బహుమతుల పంపిణీ కార్యక్రమాన్ని నిర్వహించారు. ఈ కార్యక్రమంలో లక్కీ డ్రా ద్వారా 50 మోటార్సైకిళ్లు, ఒక కారు తదితర బహుమతులు ఇస్తామని సోషల్ మీడియాలో ప్రచారం చేయడంతో పెద్ద సంఖ్యలో ప్రజలు అక్కడికి చేరుకున్నారు.

స్టేడియం గేట్లు తెరిచిన తర్వాత అందరూ ఒకేసారి లోపలికి వెళ్లాలని లౌడ్స్పీకర్ల ద్వారా ప్రకటించడంతో ఒక్కసారిగా తోపులాట మొదలై తొక్కిసలాటకు దారితీసింది.

ప్రమాదంలో ఇద్దరు మృతి

ఈ ఘటనలో మొదట 30 ఏళ్ల మహమ్మద్ అకీల్ మృతి చెందాడు. తీవ్రంగా గాయపడిన 22 ఏళ్ల మహమ్మద్ రేహాన్ ఆసుపత్రిలో చికిత్స పొందుతూ మరణించాడు. దీంతో మృతుల సంఖ్య రెండుకు చేరింది. మరో 18 మంది గాయపడినట్లు పోలీసులు వెల్లడించారు.

నిర్వాహకులపై కేసు నమోదు

కార్యక్రమ నిర్వహణలో భాగమైన ఆరుగురిని పోలీసులు అరెస్ట్ చేశారు. ప్రధాన నిర్వాహకుడైన టిక్టాకర్ అన్సార్ జట్ ఘటన అనంతరం అక్కడి నుంచి వెళ్లిపోయినట్లు పోలీసులు తెలిపారు. అతడితో పాటు మిగిలిన నిందితుల కోసం గాలింపు చర్యలు కొనసాగుతున్నాయి.

లక్కీ డ్రా కోసం సిద్ధం చేసిన 50 మోటార్సైకిళ్లు, ఒక కారును పోలీసులు స్వాధీనం చేసుకున్నారు. నిర్వాహకులు అనుమతి నిబంధనలు ఉల్లంఘించారని, సరైన భద్రతా ఏర్పాట్లు చేయకపోవడం వల్లే ఈ ప్రమాదం జరిగిందని ప్రాథమిక విచారణలో వెల్లడైనట్లు పోలీసులు తెలిపారు.

అనుమతి రద్దు చేసినా కొనసాగిన కార్యక్రమం

ప్రైవేట్ ప్రాంగణంలో పరిమితంగా నిర్వహించాల్సిన కార్యక్రమానికి అధికారులు తొలుత అనుమతి ఇచ్చారు. అయితే పెద్ద సంఖ్యలో ప్రజలు గుమిగూడుతున్నట్లు సమాచారం అందడంతో జిల్లా యంత్రాంగం ఆ అనుమతిని రద్దు చేసింది. అయినప్పటికీ నిర్వాహకులు కార్యక్రమాన్ని కొనసాగించినట్లు అధికారులు వెల్లడించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

పాకిస్థాన్లోని సియాల్కోట్ జిల్లాలో ప్రముఖ టిక్టాకర్ మెహందీ వేడుకలో తొక్కిసలాట జరిగి ఇద్దరు మృతి చెందగా, మరో 18 మంది గాయపడ్డారు. ఈ ఘటనకు సంబంధించి పోలీసులు ఆరుగురిని అరెస్ట్ చేశారు. టిక్టాకర్ మహమ్మద్ అన్సార్ జట్ నిర్వహించిన ఈ కార్యక్రమంలో బహుమతుల పంపిణీ కోసం భారీగా జనం తరలివచ్చారు.